ТОҶИКИСТОН ДАР НАМОИШГОҲИ ЭКСПО-2010 ИШТИРОК МЕНАМОЯД

                Душанбе, 16 июл. (АМИТ «Ховар», Людмила Дубинина).- Аз 1 май то 30 октябри соли 2010 дар шаҳри Шанхайи ҶМЧ намоишгоҳи байналхалқии молҳои саноатӣ «ЭКСПО-2010» баргузор мегардад. Ҷумҳурии Тоҷикистон низ дар ин намоишгоҳ иштирок хоҳад кард. Тавре хабар дода шуда буд, Ҳукумати Ҷумҳурӣ дар бораи амалӣ сохтани табдирҳои марбут ба иштироки Ҷумҳурии Тоҷикистон дар ин намоишгоҳ қарор қабул карда буд. Иҷрои қарори мазкур ба зиммаи Вазорати рушди иқтисод ва савдои Тоҷикистон гузошта шудааст.  Мутахассисони вазорат 13 июл нақшаи иштироки Тоҷикистон дар ин намоишгоҳ ва саҳми корхонаю муассисаҳоро дар ташкили он тартиб дод. Дар намоишгоҳ маҳсулоти корхонаҳои калонтарини саноатии Тоҷикистон намоиш дода мешавад. Толорҳои Тоҷикистонро дар намоишгоҳ рассомони тоҷик зебу оро медиҳанд. Палатаи савдо ва саноати ҷумҳурӣ ояндаи наздик ҳамроҳи Вазорати рушди иқтисод ва савдо маъмурияти қисмати Тоҷикистонии намоишгоҳро таъин менамояд. Масоҳати толорҳои Тоҷикистон дар намоишгоҳ 324 метри мураббаъ аст.              Тибқи анъана, дар давоми 6 моҳи фаъолияти намоишгоҳ, ҳар мамлакат рӯзи миллии худро баргузор менамояд. Рӯзи миллии Тоҷикистон ба моҳи сентябр таъин шудааст. Ба Кумитаи тадорукоти намоишгоҳи байнлахалқии «ЭКСПО-2010» аз Тоҷикистон Сарвазири ҷумҳурӣ Оқил Оқилов роҳбарӣ мекунанд. Тарҷумаи Зебо Иноятова