ҲИРСИ ПУЛ БОИСИ МАРГ ГАШТ
Душанбе, 19 август. (АМИТ «Ховар», Жасмин Назарова). — 18 август соати 5 дар дохили ҷӯйбори назди нуқтаи сӯзишворӣ воқеъ дар чорроҳаи Якоуруқи ҷамоати Чоркӯҳи ноҳияи Исфара, ҷасади шаҳрванд Мустақимбек Азизов, соли таваллудаш 1961, истқоматкунандаи ҷамоати номбурда, фурӯшандаи нуқтаи сӯзишворӣ бо аломатҳои марги маҷбурӣ дарёб карда шуд. Тавре ба АМИТ «Ховар» аз дафтари матбуоти Вазорати корҳои дохилии ҶТ Маҳмадҷон Назриев хабар дод, ҳангоми гузаронидани чораҳои фаврӣ — ҷустуҷӯӣ аз ҷониби кормандони шӯъбаи корҳои дохилии ноҳия ҷинояткор Баҳрулло Нарзуллоев соли таваллудаш 1981, истқоматкунандаи ноҳияи Айнӣ, деҳаи Фатмев, бекор, дастгир карда шуд. Бояд қайд намуд, ки мавсуф рӯзи 17 август бо мақсади ба даст овардани даромади муфт вориди нуқтаи сӯзишвории мазкур шуда, фурӯшанда Азизовро лату кӯб мекунад. Ҷинояткор ба сари Азизов бо санг зарба мезанад, ки дар натиҷа ӯ аз ҷароҳати вазнини ҷисмонӣ ба ҳалокат мерасад. Оиди ин ҳодиса бо моддаи 104 (куштор) КҶ ҶТ парвандаи ҷиноӣ кушода шудааст.
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
