АМАЛИЁТИ ТЕРРОРИСТӢ ДАР РӮЗИ ИНТИХОБОТИ ПРЕЗИДЕНТ
Кобул, 21 август. (АМИТ «Ховар» — РБК.ру). — Дар Афғонистон дар ҷараёни интихоботи президенти мамлакат, ки 20 август баргузор гардид, бар асари амалиёти террористӣ 26 нафар, аз ҷумла, сокинони маҳаллӣ ва кормандони политсия ҳалок шуданд. Рӯзи интихобот, аз ҷумла дар Кобул якчанд таркиш рух дод. Дирӯз дар ҳамин ҷо дар натиҷаи тирпарронӣ якчанд силоҳбадаст кушта шуд. Дастаҳои мусаллаҳи «Толибон» рӯзи интихобот маркази вилояти Ҳилманд — шаҳри Лашкаргоҳро ҳадафи ракетаҳо қарор доданд. Хабар дода мешавад, ки дар шаҳри Бағлон ҷараёни овоздиҳӣ дар натиҷаи ҳуҷуми силоҳбадастон ба шаҳр қатъ карда шуд. Қисмҳои ҳарбии ҳукуматӣ ҳуҷуми силоҳбадастонро зада баргардонданд. Дар ҷараёни задухӯрдҳо дар ин ҷо сардори политсияи маҳаллӣ ва чанд корманди политсия ба ҳалокат расид. Аз рӯи хабарҳои расида, президенти ҳозираи Афғонистон Ҳомид Карзай ва рақиби асосии ӯ Абдуллои Абдулло дар интихобот натиҷаҳои баробар ба даст оварданд. Теъдоди тарафдорони Карзай дар вилоятҳои ҷанубӣ ва шарқӣ зиёданд, Абдуллои Абдуллоро дар вилоятҳои шимол ва шарқ бештар дастгирӣ мекунанд. Дар бораи натиҷаҳои интихобот дар вилоятҳои ғарбии Афғонистон то ҳол ягон маълумот нарасидааст. Аз рӯи маълумоти Комиссияи мустақили интихобот рӯзи овоздиҳӣ тақрибан 5 фоизи қитъаҳои овоздиҳӣ баста буданд. Бояд гуфт, ки маълумоти Комиссияи мустақили интихобот ва маълумоти бадастовардаи журналистон аз ҳамдигар фарқи калон доранд. Натиҷаҳои интихобот то 3 сентябр маълум хоҳад гашт.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
