АСАРИ НАВИ САҲНАВӢ ДАР ТЕАТРИ А. ЛОҲУТӢ

                Душанбе, 20 август. (АМИТ «Ховар», Лутфия Эшонқулова).- 19 август дар театри академии драмавии ба номи А. Лоҳутӣ машқи охирини асари саҳнавии драмнависони маъруфи тоҷик Низом Қосимов ва Ҷумъа Қуддус баргузор гардид, ки «Шов-шов» ном дорад. Директори театр Ибодулло Машрабов зикр намуд, ки ин асари саҳнавӣ дар бораи ду дилдода буда, ба тӯҳмати мардум гирифтор шудаанд. Вай қайд намуд, ки асар хусусияти рӯзмарра дорад ва ҳаёти воқеии инсонро инъикос менамояд.                 Нақшҳои асосиро ҳунармандони халқӣ ва машҳури Тоҷикистон Марям Исоева, Саври Сабзалиева, Исо Абдурашидов, Дилбар Умарова ва Соро Сабзалиева иҷро мекунанд.