МАКТАБҲОИ ТИПИ НАВ ТАЛАБОТИ ЗАМОН
Душанбе, 20 август.(АМИТ «Ховар», Марзия Саидова).- «Нақши мактабҳои типи нав дар дарёфти хонандагони болаёқат», таҳти чунин унвон 21-уми август дар толори мактаб-интернати махсусгардонидашудаи президентӣ, воқеъ дар шаҳри Чкаловск семинари ҷумҳуриявии сарварони муассисаҳои махсусгардонидашуда барои хонандагони болаёқат ва литсей-гимназияҳо баргузор мегардад. Дар ин хусус, сардори маркази матбуоти Вазорати маорифи ҷумҳурӣ Ноилшо Нуралиев ба АМИТ «Ховар» иттилоъ дод. Дар семинари ҷумҳуриявӣ вазири маорифи ҷумҳурӣ Абдуҷаббор Раҳмонов иштирок ва сухан менамояд. Ҳадафи семинар омӯхтани таҷриба, афзалияти мактабҳои типи нав дар рушди соҳаи маорифи кишвар дар шароити ҷомеаи мусоир аст. Дар ин чорабинии муҳим, ки як рӯз идома меёбад, сардорони раёсатҳои маорифи вилоятҳои ҷумҳурӣ, мудирони шӯъбаҳои маорифи ноҳияҳои кишвар ва сарварони литсею гимназияҳо иштирок менамоянд. Дар назар аст, ки иштирокчиёни семинар доир ба фаъолияти мактабҳои типи нав ва дастовардҳо дар раванди таълиму тарбия, нақши ташкили равияҳо дар дарёфти хонандагони боистеъдод, интихоб ва таълими шогирдони лаёқатманд табодули назар менамоянд. Ҳамчунин, низомномаи намунавии муассисаҳои таълимии махсусгардонидашуда барои хонандагони боистеъдод муаррифӣ мегардад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
