МУҲОКИМАИ МАСЪАЛАҲОИ ҲАМКОРӢ

             Душанбе, 19 август. (АМИТ «Ховар», Наргис Бояхмедова). -Гурӯҳи коршиносони ИДМ дирӯз дар Минск масъалаҳои ҷорӣ намудани маълумоти умумии омориро дар соҳаи муҳоҷират ва ташкили низоми мубодилаи маълумот дар байни муассисаҳои муҳоҷирати мамлакатҳои ИДМ мавриди баррасӣ қарор доданд.              Мухбири АМИТ «Ховар» хабар медиҳад, ки коршиносон лоиҳаи созишномаро дар бораи мубодилаи маълумот муҳокима намуданд. Ҳадафи созишнома бештар сохтани самараи танзими ҷараёни муҳоҷират, амалӣ сохтани қарордоду созишномаҳои дуҷонибаю бисёрҷонибаи байни давлатҳо дар ин соҳа мебошад. Қайд карда мешавад, ки маълумоти зарурӣ дар байни мамлакатҳо ба таври ройгон мубодила карда хоҳад шуд.