МУЛЛО УМАР ДАСТГИР ШУД

                Исломобод, 19 август. (АМИТ «Ховар» — Вести. Ру). — Мақомоти амниятии Покистон шабонарӯзи гузашта яке аз роҳбарони баландпояи ҷунбиши «Толибон» Мулло Умарро дар вилояти Вазиристони ҷанубии Покистон дар яке аз маҳалҳои маскунии назди сарҳади Афғонистон дастгир намуданд. Мулло Умар вазифаи намояндаи расмии ҷунбиши «Толибон» -ро дар Покистон иҷро карда, соҳиби обрӯю эътибори калон мебошад.                  Мақомоти Покистон хабар доданд, ки Мулло Умар ҳалокати яке аз роҳбарони ҷунбиши «Толибон» Байтулло Мақсудро тасдиқ намуд. Дирӯз инчунин Қорисайфулло ном қумондони яке аз дастаҳои калони мусаллаҳи «Толибон» дастгир карда шуд. Хабар дода мешавад, ки ҳар дуи онҳо айни ҳол дар мақомоти дахлдор истинтоқ карда мешаванд.