МУЛОҚОТИ РАИСИ ВИЛОЯТ БО ВАРЗИШГАРОН

              Қӯрғонтеппа, 11 август. (АМИТ «Ховар», Мурод Сотиев). — Раиси вилояти Хатлон Ғайбулло Авзалов дар шаҳри Қӯрғонтеппа бо варзишгарон мулоқот кард.               Вай зикр намуд, ки роҳбарияти мақомоти иҷроияи ҳокимияти давлатии вилоят ба рушди соҳаи варзиш, пеш аз ҳама оммавӣ гардондани навъҳои асосии варзиш кӯшиш ба харҷ медод ва медиҳад. Айни ҳол дар вилоят 30 мактаби варзишӣ ва як мактаби маҳорати олии варзишӣ фаъолият доранд.  Дар ин мактабҳо зиёда аз 500 нафар дорандагони дараҷаҳои гуногуни варзишӣ, 97 нафар номзади устоди варзиш, 26 устоди варзиш ва 9 нафар устоди варзиши дараҷаи байналхалқӣ машқ мекунанд.              Варзишгарони вилоят дар давоми соли равон дар 9 мусобиқаи байналхалқӣ ва 19 мусобиқаи ҷумҳуриявӣ иштирок карда, 61 медали тилло, 56 медали нуқра ва 95 медали биринҷӣ ба даст оварданд.              Раиси вилоят Ғ.Авзалов дар фарҷоми мулоқот ба гурӯҳи варзишгарон тӯҳфаҳои хотиравӣ супорид. Тарҷумон — Қудратов А.