РУСИЯ ҲАМЧУН ШАРИКИ СТРАТЕГӢ БОҚӢ ХОҲАД МОНД

                Душанбе, 3 август. (АМИТ «Ховар», Лаззат Диловарзод).- Бино ба иттилои намояндаи тиҷоратии Русия дар Тоҷикистон Александр Яковлев, дар се соли охир Русия дар иқтисодиёти Тоҷикистон беш аз 860 млн. доллари амрикоӣ сармоягузорӣ кардааст. Бино ба гуфти ҷаноби Яковлев, 65 фоизи миқдори умумии маблағгузорӣ, ки дар нимсолаи якуми соли 2008 ба соҳаи иқтисодиёти Тоҷикистон ҷалб карда шудааст, ба Федератсияи Русия тааллуқ дорад.                Боиси тазаккур аст, ки соли 2008 ба иқтисодиёти Тоҷикис тон 31 давлати ҷаҳон маблағгузорӣ намуд, ки 75 фоизи онро инвеститсияи Русия ташкил дод.Ҷумҳурии Тоҷикистон савдои молро сол аз сол бо давлатҳои хориҷӣ зиёд мекунад. Дар миёни 97 давлати ҷаҳон, ки Тоҷикистон бо онҳо муносибатҳои савдоӣ дорад, Русия дар ҷои аввал меистад.                Боиси ёдоварист, ки гардиши мол соли 2008 миёни Тоҷикистон ва Русия ба 1,2 миллиард расонида шуд.                Дар нимсолаи якуми соли 2009 бошад гардиши мол 28 фоиз коҳиш ёфт ва ин то охири соли 2009 дар муқоиса ба соли 2008 20 — 25 фоиз кам мегардад, ки ин ба бӯҳрони ҷаҳонии молиявӣ вобаста аст.              Ба ҳар навъ, маблағгузории Русия дар соҳаи энергетика ва истихроҷи газ бештар ба чашм мерасад. Ин мазмуни онро дорад, ки Русия барои Тоҷикистон ҳамчун шарики стратегӣ боқӣ хоҳад монд.