«СОМОН ЭЙР» НАРХИ ЧИПТАҲОРО АРЗОН МЕКУНАД
Душанбе, 20 август. (АМИТ «Ховар», Лутфия Эшонқулова). — Ҷамъияти саҳҳомии «Ширкати ҳавонавардии Сомон Эйр» хабар медиҳад, ки нархи чиптаҳои ҳавопаймои «Душанбе — Франкфурти лаби Майн» аз 13 август то 31 октябри соли равон дар салони дараҷаи дуюми он 450 евро муқаррар карда шуд. Нархи чиптаи мазкур то 13 август 650 евро буд. Роҳбарияти ширкат бо мақсади ҷалби мусофирон ва дастгирии онҳо, инчунин бештар сохтани қобилияти рақобатпазирии ҳавопаймоҳои ширкат дар арсаи ҷаҳон чунин қарор қабул намуд. Мухбири АМИТ «Ховар» ёдовар мешавад, ки ҳавопаймои мусофирбари ширкати «Сомон Эйр» аз Душанбе ба шаҳри Франкфурти лаби Майн бори аввал 29 июли соли равон парвоз карда буд. Вақти парвози он аз Душанбе ба Франкфурти лаби Майн 7 соат ва бозгашти ҳавопаймо ба Душанбе 6 соат мебошад. Бояд гуфт, ки дар байни шаҳрҳои Душанбе ва Франкфурти лаби Майн танҳо ҳавопаймоҳои нави «Боинг — 737» парвоз мекунанд. Тарҷумон — Қудратов А.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
