СОЗМОНИ ҶАҲОНИИ ТАНДУРУСТӢ КОРШИНОСОНАШРО БА ТОҶИКИСТОН ФИРИСТОД
Душанбе, 20 август. (АМИТ «Ховар», Фарангис Раҳимова). — Тоҷикистон ба Созмони ҷаҳонии тандурустӣ дар бораи ба қайд гирифтани бемории табларзаи хунин дар ноҳияи Турсунзода таъҷилан хабар дода буд. Созмон дар ҷавоб гурӯҳи коршиносони худро барои расондани кӯмак ва назорати тадбирҳои пешгирикунандаи беморӣ ба Тоҷикистон фиристод. Тавре хабар дода шуда буд, бори аввал яке аз сокинони 50 — солаи деҳаи Зиёратути ноҳияи Турсунзода 18 июл ба ин беморӣ гирифтор шуда, 26 июл вафот кард. Баъдан дар ҳамин ҷо 4 нафар хешу табори шахси вафоткарда ва як нафар корманди тиббӣ ба ҳамин беморӣ мубтало гардиданд. Корманди тиб ва яке аз хешони шахси вафоткарда 5 ва 6 август аз олам гузаштанд. Шахсони дигар дар шифохонаҳо табобат карда шуданд. Айни ҳол 44 нафар бо гумони гирифтор шуданашон ба бемории табларзаи хунин таҳти назорати духтурон қарор доранд. 11 август дар шаҳри Кӯлоб боз як марди 42 солаи бемор ба қайд гирифта шуд. Ҳоло 14 нафар хешу табор ва ҳамсояҳои ӯ таҳти назорати духтурон қарор доранд. Бемории табларзаи хунин бемории гузаранда буда, онро канаҳо паҳн мекунанд. Аломатҳои асосии беморӣ баланд шудани ҳарорати бадан, табларза, дарди мушакҳо, сарчархӣ, дард кардани гардан, муташанниҷ гардидани мушакҳои паси гардан, дарди сар, аз таъсири рӯшноӣ ба ҳарос афтодани бемор ва ғайра мебошанд. Агар беморон сари вақт ба духтур муроҷиат накунанд, ба онҳо хавфи марг таҳдид менамояд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
