ТӮҲФАИ ТУРКМАНИСТОН БА АФҒОНИСТОН
Душанбе, 7 август. (АМИТ «Ховар», Наргис Бояхмедова). — Чанд рӯз пеш дар вулусволии Ҳарамгули вилояти Форёби Афғонистон маросими ботантанаи ифтитоҳи Маркази саломатӣ баргузор гардид, ки онро мутахассисони Туркманистон сохтаанд. Дар маросими кушодашавии Маркази саломатӣ ҳайати намояндагони Туркманистон, мушовири президенти Афғонистон дар масъалаҳои дин Мавлавӣ Муҳаммад Ҷӯр, муовини вазири тандурустии Афғонистон Нодира Хайёт, волии вилояти Форёб Абдулҳақ Шафақ, роҳбари намояндагии ВКХ Афғонистон дар шаҳри Мазори Шариф Абдулмаҷиди Коргар ва пешвоёни қабилаҳои маҳаллӣ ширкат варзиданд. Маркази саломатии мазкур бо тамоми асбобу анҷоми зарурии тиббӣ муҷаҳҳаз мебошад. Акнун сокинони маҳаллӣ имкон пайдо карданд, ки аз хизмати хушсифати тиббӣ истифода баранд. Тарҷумон — Қудратов А.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
