25 МИЛЛИОН БАРОИ ОЗМУНИ « 5 СИТОРА. ИНТЕРВИДЕНИЕ»
Душанбе, 29 сентябр. (АМИТ «Ховар», Таҳмина Ғоибназарова). — Омодагиҳо барои баргузории Озмуни байналмилалии сарояндагони ҷавон «5 ситора. Интервидение» муваққатан қатъ карда шуд. Дар ин бора ба АМИТ «Ховар» Раиси Кумитаи телевизион ва радиои Ҷумҳурии Тоҷикистон Асадулло Раҳмонов, ки бо роҳбарияти «Шабакаи якуми» — и Русия ва ҶММ «Красний квадрат» ҷаласаи корӣ баргузор намуд, иттилоъ дод. «Сабаби асосии мавқуфгузории чандинкаратаи Озмун мушкилоти молиявии ҷониби Русия мебошад, — вазъиятро чунин шарҳ дод Асадулло Раҳмонов. – Дар навбати худ Тоҷикистон омода аст Озмунро дар мӯҳлатҳои муайяншуда бо иҷрои тамоми ӯҳдадориҳои ба зимма гирифта баргузор намояд. Аммо, барои Озмун танҳо кӯшишҳои мо кифоя нест ва ин маънои онро надорад, ки Озмун баргузор намешавад. Дар ҷаласаи навбатӣ қарор карда шуд, ки агар то оғози моҳи октябр масъалаи маблағгузорӣ ҳал карда нашавад, он гоҳ Озмун соли 2010 баргузор мешавад. Дар ин маврид ҷои баргузории Озмун мисли пешина Тоҷикистон боқӣ мемонад». Тавре ки сарчашма иттилоъ медиҳад, Фонди байнидавлатии гуманитарии ҳамкории давлатҳои ИДМ тасмим гирифтааст, ки барои баргузории Озмуни «5 ситора. Интервидение» 25 миллион рубл ҷудо намояд.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
