ДАР МАСКАВ ҚОЧОҚЧИИ ТОҶИК ДАСТГИР ШУД

                Душанбе, 15 сентябр. (АМИТ «Ховар», Ҳалима Хушқадамова). – Кормандони милиса 14 сентябр дар майдони ҳавоии Внуково дар ҷараёни амалиёти «Кӯкнор» шаҳрванди 34 – солаи Тоҷикистонро дастгир намуданд, ки мехост як покети селофании дорои моддаи хокистаррангро фурӯшад.                  Дар натиҷаи таҳқиқоти коршиносон маълум шуд, ки моддаи хокистарранг моддаи пуртаъсири нашъадори героин буда, вазни он 435,9 грамм мебошад. Қимати он дар бозор 330 ҳазор рубли Русияро ташкил медиҳад.                Нисбати қочоқчӣ парвандаи ҷиноӣ кушода шуд ва тафтиши он давом дорад.