ДАР НЕРӮГОҲ СӮХТОР БА АМАЛ ОМАД

                Душанбе, 8 сентябр. (АМИТ «Ховар», Жасмин Назарова). – 7 сентябр дар агрегати 4 нерӯгоҳи барқи обии «Дӯстии халқҳо»-и шаҳри Қайроққум сӯхтор ба амал омад.                Тавре ба АМИТ «Ховар» аз дафтари матбуоти Сарраёсати хадамоти давлатии оташнишонии ВКД ҶТ иттилоъ доданд, сабаби сӯхтор ҳангоми кафшеркунӣ риоя накардани қоидаи бехатарии сӯхтор мебошад. Дар натиҷа коргари нерӯгоҳ кафшерчии 58 сола, Владимир Писеров 85 % сӯзиши бадан гирифта дар беморхонаи марказии шаҳри Қайроққум ба ҳалокат мерасад.                 Тибқи маълумоти коргарони оташнишонии шаҳри мазкур дар масоҳати 8 метри мураббаъ равғани молиданӣ сӯхта нобуд шуд.                Гуноҳкор ва маблағи зарар муайян карда мешавад.