ДОДАНИ ИҶОЗАТНОМА БА МАҲСУЛОТИ АУДИОВИЗУАЛӢ

                Душанбе, 24 сентябр. (АМИТ «Ховар», Таҳмина Ғоибназарова). — 25 сентябр дар Иттифоқи журналистони Тоҷикистон дар мавзӯи «Рушди фаъолияти воситаҳои ахбори оммавӣ гарави таъмини амнияти миллии Ҷумҳурии Тоҷикистон» машварат баргузор мегардад. Ба он намояндагони Дастгоҳи иҷроияи Президент, Кумитаи давлатии сармоягузорӣ ва идораи амволи давлат, Кумитаи давлатии амнияти миллӣ, мақомоти иҷозатномадиҳӣ, роҳбарону намояндагони мактабҳои олӣ, созмонҳои ҷамъиятӣ ва байналхалқӣ даъват шудаанд.                 Дар ҷараёни машварат дар бораи ҳалли проблемаҳои додани иҷозатнома дар доираи барномаи давлатии «Беҳтар сохтани муҳити соҳибкорӣ дар давоми 200 рӯзи ислоҳот» маълумот дода, имкониятҳои воқеии бекор намудани додани иҷозатнома ба истеҳсоли маҳсулоти аудиовизуалӣ мавриди баррасӣ қарор дода мешавад.