ФАРМОИШИ ВАЗИРИ КИШОВАРЗӢ ДАР БОРАИ КИШТИ ТИРАМОҲӢ

                Душанбе, 14 сентябр. (АМИТ «Ховар», Лаззат Диловарзод).- Вазири кишоварзии Ҷумҳурии Тоҷикистон Қосим Қосимов дар бораи омодагӣ ва тадбирҳои гузаронидани кишти тирамоҳии зироатҳои ғалладона дар хоҷагиҳои ҷумҳурӣ барои ҳосили соли 2010 фармоиш ба имзо расонд.               Бино ба гуфти сардори маркази матбуот ва иттилооти Вазорати кишоварзӣ Н. Додобоев, бо мақсади дар мӯҳлати хуби агротехникӣ хушсифат ва саривақт гузаронидани кишти тирамоҳии зироатҳои ғалладона ва гузоштани заминаи устувор барои ҳосили 2010 –ум ба раёсату шӯъбаҳои дахлдори дастгоҳи марказии вазорат, Сарраёсатҳои кишоварзии Суғду Хатлон ва Раёсати кишоварзии ВМКБ, шаҳру ноҳияҳо супорида шудааст, ки ба гузаронидани кишти тирамоҳии зироатҳои ғалладона дар хоҷагиҳои ҷумҳурӣ тадбирҳои зарурӣ андешанд.                 Ҳамчунин пешниҳод гардид, ки корҳои ташкилиро дар байни корхонаю ташкилот, хоҷагиҳои деҳқонию аҳолии деҳот ба роҳ монда, дурнамои кишти тирамоҳии зироатҳои ғалладона, мӯҳлати иҷрои онҳо дар ҳар як хоҷагӣ новобаста аз шакли моликияташон тартиб дода онро ба ситоди вазорат пешниҳод намоянд.