ГАРМХОНАИ ОФТОБӢ ДАР ПОМИР

                Душанбе, 3 сентябр. (НИАТ «Ховар», Людмила Дубинина).-31 август дар қишлоқи Нисури водии Бартанги ВМКБ сохтмони гармхонаи офтобӣ ба итмом расид. Созишнома дар бораи сохтмони гармхонаро моҳи августи соли 2008 созмони экологии «Замини Хурд» ва корхонаи ғайриҳукуматии «Ояндасоз» имзо карда буданд.                  Гармхонаи мазкур дар минтақаи баландкӯҳи мамлакат бори аввал сохта мешавад. Чунин гармхонаҳо чанд сол пеш дар вилояти Суғд ва ноҳияи Бешкент сохта шуда буд, гуфт- эколог Тимур Идрисов.             Гармхонаҳо бо кӯмаки Ҷамъияти ҳифзи табиати Норвегия сохта мешавад.                 Гармхонаҳои «Офтобӣ» сохти махсус дошта, аз девори дуқабата ва қабати гарминигоҳдоранда иборат аст. Байни деворҳо одатан бо сангу хок, аррамайда ё коҳ пур карда мешаванд. Дар ин гармхонаҳоро ҳатто дар ҳавои хунук ҳам сабзавот парвариш кардан мумкин аст.                 Чунин гармхонаҳо барои таъмини аҳолии маҳаллӣ бо сабзавот кӯмак мерасонад,-қайд намуд Т. Идрисов.