КӮМАКИ ХАЙРИЯИ ВАЗОРАТИ МОЛИЯ

                  Душанбе. 17 сентябр. (АМИТ «Ховар», Покиза Маҳмадбекова).- Ҳамасола дар арафаи ҷашнҳои миллӣ ва давлатии пойтахт Вазоратҳо корхонаҳои шаҳр ба хона-интернатҳои бачагонаю бачаҳои бепарстор, маъюбону пиронсолон ва иштироккунандагони Ҷанги Бузурги Ватанӣ кӯмаки башардӯстона мерасонанд.                 Дар арафаи Иди саиди фитр Вазорати молия ба ниёзмандон ба маблағи 4 300 сомонӣ кӯмаки башардӯстона расонд. Аз ин ҷумла 2 500 сомонӣ ба хона-интернатҳои шаҳри Кӯлоб ва 1 800 сомонӣ ба собиқ кормандони вазорат дода шуд.                 Ёдовар мешавем, ки дар арафаи «Иди дониш» ва 18-солагии Истиқлолияти давлатии Тоҷикистон Вазорати молия ба хона-интернат, бачаҳои бепарастор ва ба собиқ кормандони вазорат ба маблағи 4 800 сомонӣ кӯмак расонда буд.