«КАЁНӮШ» ДАРИ ХУДРО ДАР МАРКАЗИ ШАҲР БОЗ НАМУД

                Душанбе, 16 сентябр.(АМИТ «Ховар», Марзия Саидова).-Дар остонаи иди Рамазон дар пойтахти ҷумҳурӣ — шаҳри Душанбе боз як Маркази нави савдо бо номи «Каёнӯш» дари худро барои шаҳрвандон боз намуд.                 Маркази савдои «Каёнӯш» дар кӯчаи Айнӣ, 6 собиқ мағозаи «Парасту» (Ласточка) воқеъ гардидаст. Тибқи иттилои директори Маркази «Каёнӯш» Озод Ишратов, ҳадаф аз ташкили чунин Маркази савдо дар маркази шаҳр ғанӣ гардонидани дастархони сокинон ва меҳмонони Душанбе бо маҳсулоти гуногуни истеъмолӣ ва рушди соҳибкорӣ дар пойтахт мебошад. Дар Маркази савдои «Каёнӯш» асосан махсулоти хӯрока ва атриёт, ки истеҳсоли ширкатҳои ватанию хориҷӣ, бахусус Русия, Қазоқистон ва Туркия мебошанд, ба фурӯш гузошта шудааст. О. Ишратов мегӯяд, ки арзиши маҳсулот дар Маркази савдои «Каёнӯш» нисбат ба дигар Марказҳои савдои пойтахт арзонтар буда, дар арафаи моҳи мубораки Рамазон нархи баъзе аз маҳсулоти ширӣ боз поёнтар фароварда шудааст. Маркази савдои «Каёнӯш» аз соати 8 –и субҳ то 11-и шаб фаъолият менамояд. Бо ифтитоҳи Маркази мазкур 14 нафар соҳиби ҷойи кори доимӣ гардиданд.                «Дар оянда ният дорем, ки дар дигар гӯшаҳои шаҳр низ чунин марказҳои муосири замонавиро ифтитоҳ намоем», — гуфт дар анҷом О. Ишратов.