МЕЪДА – «БОРХАЛТАИ» МАВОДИ МУХАДДИР

               Душанбе, 7 сентябр. (АМИТ «Ховар», Жасмин Назарова). – Аз ҷониби кормандони шӯъбаи корҳои дохилии ноҳияи Ёвон як далели интиқоли ғайриқонунии маводи нашъадор ба қайд гирифта шуд. Дар натиҷаи гузаронидани чораҳои фаврӣ — ҷустуҷӯӣ аз ҷониби кормандони шӯъбаи мазкур дар деҳаи Гарави ҷамоати Даҳана, шаҳрванд Маҳмадризо Дидоров, соли таваллудаш 1985, сокини ВМКБ, ноҳияи Шуғнон дастгир карда шуд.                Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, ҳангоми муоинаи тиббӣ аз меъдаи ӯ 65 дона бастачаҳои полиэтиленӣ дарёфт карда гирифта шуд. Мувофиқи маълумотномаи ташхиси криминалистӣ ин маводи сахттаъсири героин буда вазнаш 375 гр. ташкил медиҳад. Нисбати ин далел парвандаи ҷиноӣ боз шуда тафтишот идома дорад.