ОИЛАҲОИ КАМБИЗОАТ БО ФУРӮЗОНАКҲОИ РОЙГОН ТАЪМИН ШУДАНД

                Душанбе, 14 сентябр. (АМИТ «Ховар», Бекназари Абӯбакр). – Ҷиҳати бо фурӯзонакҳои каммасрафи барқӣ таъмин намудани 241 оилаи камбизоати мамлакат мувофиқи Қарори Ҳукумати Ҷумҳурии Тоҷикистон аз буҷаи давлат 18 миллион сомонӣ ҷудо гардид.                 Мавриди зикр аст, ки масъулини Вазорати меҳнат ва ҳифзи иҷтимоии аҳолии Ҷумҳурии Тоҷикистон оид ба татбиқи қарори мазкур бо яке аз ширкатҳои истеҳсоли фурӯзонакҳои каммасрафи Ҷумҳурии Мардумии Чин шартнома баста, миқдори зарурии фурӯзонакҳоро ба ҷумҳурӣ ворид намуданд. То имрӯз оилаҳои камбизоати ноҳияҳои водии Рашт, ноҳияи Файзобод ва шаҳрҳои Роғуну Ваҳдат бо фурӯзонакҳои каммасраф таъмин карда шуданд. Ба оилаҳои камбизоати шаҳри Турсунзода ва ноҳияи Шаҳринав ин тадбири муҳим амалӣ карда шуд.                   Ёдовар мешавем, ки мувофиқи Фармони Президенти Ҷумҳурии Тоҷикистон воридоти лампаҳои тафсон ба ҷумҳурӣ аз 1-уми октябри соли равон маън карда шуда, то 1-уми октябр бояд тамоми ташкилоту идораҳо, биноҳои маъмурӣ, корхонаҳо ва сокинони мамлакат ба истифодаи фурӯзонакҳои каммасраф гузаранд.