ҚАРЗДОР МИНБАЪД БАРҚ НАМЕГИРАД

                   Душанбе, 6 октябр. (АМИТ «Ховар», Жасмин Назарова). – Тибқи тасмими раиси ширкати «Барқи тоҷик» тамоми муштариён — аҳолӣ ва корхонаву муассисаҳое, ки то 1 октябр қарздоранд, аз барқ маҳрум карда мешаванд.                      Тавре ба хабарнигори АМИТ «Ховар» роҳбари дафтари матбуот ШСХК «Барқи Тоҷик» Нозирҷон Ёдгорӣ иттилоъ дод, барои иҷрои ин дастур дар тамоми муассисаҳои таъмингари барқ гурўҳҳои махсус ташкил карда шуда, онҳо дар якҷоягӣ бо мутахассисони ширкат рафти пардохти ҳаққи барқ ва таъминоти муштариёнро бо барқ месанҷанд.                     Бояд қайд кард, ки интиқоли барқ ба қарздорон на аз зеристгоҳҳои умумӣ, балки аз манбаъҳое, ки мушаххасан барқ мегиранд, қатъ карда мешаванд.                    Ин тадбир барои он амалӣ мегардад, ки дар давраи норасоии барқ кадом муштарие, ки пули барқро пардохт намудааст, бояд бо барқ таъмин бошад ва қарздорон аз истифодаи он маҳрум карда шаванд.                   Аз барқ маҳрум намудани қарздорон аз ҳамин рўз, 6 ноябри соли 2009 оғоз хоҳад ёфт.