ҚИРҒИЗИСТОН ЧАРОГОҲҲОИ ХУДРО БА ИҶОРА ДОД

               Душанбе, 22 октябр. (АМИТ «Ховар», Лаззат Диловарзод).-Вазири кишоварзии Қирғизистон Искандарбек Айдаралиев даъвати роҳбарияти вилоятҳои Ош, Ҷалолобод ва Боткентро дар бораи ба ҶТ иҷора додани заминҳои чарогоҳҳояшон пазируфт. Айни замон барои 1 сол созишнома баста шудааст.                Бино ба иттилои АКИ press, дар асоси ҳуҷҷатҳои расмии Қирғизистон ба Ҷумҳурии Тоҷикистон 17 ҳазору 800 гектар замини чарогоҳ дар фаслҳои тобистон ва тирамоҳ барои як сол ба иҷора дода шудаанд.               Тибқи созишнома, барои як сар ҳайвоноти дар мавсими тобистону тирамоҳ дар ин чарогоҳҳо нигоҳубиншаванда 3 доллари амрикоӣ пардохт карда мешавад.                Ҳоло маблағи умумии ба иҷора додани заминҳои чарогоҳҳо барои як сол 267 ҳазор доллари амрикоӣ муайян карда шудааст.