ҲАЙАТИ КОРИИ АРАБИСТОНИ САУДӢ

                  Душанбе, 29 октябр. (АМИТ «Ховар», Фарангис Раҳимова). – Имрӯз аз кишвари Арабистони Саудӣ ҳайати корӣ таҳти роҳбарии Раиси комиссияи миллӣ оид ба кор таъминкунии Шӯрои палатаи савдо ва саноати Арабистони Саудӣ Саъд Наҳҳор ал – Баддоҳ ба Душанбе меояд. Тавре аз Хадамоти муҳоҷирати вазорати корҳои дохилии Ҷумҳурии Тоҷикистон ба АМИТ «Ховар» иттилоъ доданд, Саъд Наҳҳор ал – Баддоҳ бо роҳбарияти ВКД ва намояндагони хадамоти муҳоҷират, дигар вазоратҳо ва идораҳои дахлдори ҷумҳуриявӣ мулоқот анҷом медиҳад.                 «Мақсад аз сафари ҳайати кории Арабистони Саудӣ аз он иборат аст, ки дар ҳамбастагӣ бо идораҳои Тоҷикистон механизми даъват кардан ва фиристодани муҳоҷирони меҳнатиро ба Арабистони Саудӣ баррасӣ намоянд. Ҳамчунин таълими муҳоҷирони меҳнатӣ ба ихтисосҳои зарурӣ ва забонҳои англисиву арабӣ ба роҳ монда хоҳад шуд», — иттилоъ доданд аз Хадамоти муҳоҷирати ВКД – и ҷумҳурӣ.                   Ҳангоми мулоқотҳои дуҷониба масоили мушкилоти муҳоҷирати меҳнатӣ бо назардошт ва талаботи таҷрибаи ҷаҳонӣ барои ҳимояи хуқуқ ва манфиатҳои қонунии муҳоҷирони меҳнатӣ дида хоҳанд шуд.