60 ФОИЗИ КОРХОНАҲО НАҚШАРО БАРЗИЁД ИҶРО НАМУДАНД

                  Душанбе, 22 октябр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар моҳҳои январ – сентябри соли ҷорӣ аз 230 корхонаи шаҳр 138 корхона нисбат ба ҳамин давраи соли 2008 бештар маҳсулот истеҳсол карданд. Дар ин радиф метавон аз корхонаҳои КВД «Тоҷиксемент», Иттиҳодияи истеҳсолии «Тоҷиктекстилмаш», ҶСШК «Корхонаи панир», «Ширин», «Кӯҳандиз», «Нонпаз», «Душанбе», «Нафиса» ва боз даҳҳо корхонаҳои дигарро номбар кард, ки дар давоми 9 моҳ нақшаҳои истеҳсолии худро барзиёд иҷро намуданд.                  Дар ин муддат мардум ба маҳсулоти истеҳсолкардаи корхонаҳои «Нассоҷии тоҷик», «Империя», «Хиштрез», «Тоҷик Мармар» ва «Сомон Тоҷиксохтмон» бештар мароқ зоҳир намуданд.