ДОВАРОН САБАҚ МЕГИРАНД

                 Душанбе, 6 октябр.(АМИТ «Ховар», Ибодат Давлатова). — 5 октябр дар Душанбе бо ташаббуси Федератсияи футболи Тоҷикистон ва бо дастгирии қароргоҳи марказии Конфедератсияи футболи байналмиллалӣ дар Колумбия семинари панҷрӯзаи байналхалқӣ барои доварони тоҷик оғоз гардид.                  Дар маросими кушодашавии семинар Раиси Федератсияи футболи мамлакат Сӯҳроб Қосимов, мутахассисони пешбари Конфедератсияи футболи байналмиллалӣ ва тренерон иштирок карданд.                Намояндаи раёсати доварони ФИФА Ориф Муҳаммад қайд кард, ки «чунин курсҳои таълимӣ дар минтақа маротибаи 12 баргузор мегардад. Чунин семинарҳо рӯзҳои наздик дар Туркманистон, Қирғизистон ва Ӯзбекистон гузаронида мешаванд».                   Айни ҳол дар ҳайати доварони Конфедератсияи футболи Осиё 8 нафар довари тоҷик шомил аст, ки дар мусобиқаҳои байналмиллалии ФИФА ва КФО доварӣ мекунанд.