КОНСЕРТИ ҲУНАРПЕШАИ ТОҶИК ДАР МАСКАВ

                 Душанбе, 2 октябр. (АМИТ «Ховар», Таҳмина Ғоибназарова). – Ҳунарпешаи маъруф ва шоистаи Тоҷикистон, мутриби скрипканавоз Азалия Галиаҳмадова дар консерти овозхонони ҷавони мусиқии классикии давлатҳои ИДМ ширкат меварзад, ки 11 ноябр дар Маскав баргузор хоҳад гашт.                 А.Галиаҳмадова дар ин консерт ҳамроҳи дастаи камеравии «Виртуозы Москвы» таҳти роҳбарии Ҳунарпешаи халқии ИҶШС, барандаи ҷоизаи давлатии ИҶШС Владимир Спиваков иштирок менамояд. Ӯ дар консерт асари мусиқии оҳангсози тоҷик Талаб Сатторов «Достони рухо» ва асари мусиқии оҳангсоз Заррина Миршакар «Респере» — ро иҷро хоҳад кард.