МАРКАЗҲОИ КАСБОМӮЗӢ

                  Душанбе, 22 октябр. (АМИТ «Ховар», Лаззат Диловарзод).- Бино ба иттилои ҷонишини директори Агентӣ оид ба ҳифзи иҷтимоӣ, шуғли аҳолӣ ва муҳоҷират Анвар Бобоев, тибқи тадқиқоти миёни сардорони оилаҳо анҷомдодашуда, дар давом солҳои 2003 – 2008 шумораи муҳоҷирони меҳнатӣ аз 224 ҳазор (соли 2003) ба 805 ҳазор (дар соли 2008) нафар расидааст.                  Ҷумҳурии Тоҷикистон яке аз бойтарин кишварҳо дар соҳаи захираҳои табиӣ мебошад, ки ҳар сол имконияти бо кор таъмин кардани 100 – 150 ҳазор нафар коргарро дорад.                   Барои кам кардани шумораи муҳоҷирони меҳнатӣ зарур аст, ки дар дохили ҷумҳурӣ барои як миллион нафар ҷои кор муҳайё карда шавад, — мегӯяд А. Бобоев. Аммо айни замон чунин имкониятро ҷумҳурӣ надорад. Аз ин ҷиҳат зарур аст, ки ба хориҷи кишвар шахсони ихтисосманд фиристонида шаванд. Бо ин мақсад, дар назди агентии мазкур, Маркази тайёр намудани муҳоҷирони меҳнатӣ таъсис дода шудааст.                 40 фоизи муроҷиаткунандагон мехоҳанд касби сохтмончӣ дошта бошанд. Марказ аз рӯи хоҳши муроҷиаткунандагон ба онҳо касбу ҳунари сохтмончиро меомӯзонад.