МУШКИЛОТИ МУҲОҶИРОНРО КӢ ОСОН МЕКУНАД?

                  Душанбе, 6 октябр.(АМИТ «Ховар», Наргис Бойаҳмадова). – Бахшида ба анҷом ёфтани лоиҳаи якҷояи Созмони байналмиллалии меҳнат ва Барномаи рушди Созмони Миллали Мутаҳид 14 октябр дар Душанбе нишасти матбуотӣ баргузор мегардад.                   Дар конфронс муовини вазири меҳнат ва ҳифзи иҷтимоии Ҷумҳурии Тоҷикистон Эмин Сангинов, сардори Хадамоти муҳоҷирати ВКД Ҷумҳурии Тоҷикистон Сафиало Девонаев, мутахассиси Барномаи мубориза бар зидди меҳнати маҷбурӣ Беате Андрес, мудири соҳавии Барномаи рушди СММ дар Тоҷикистон Растислав Вребенский ва дигарон иштирок мекунанд.                    Таъсири бӯҳрони ҷаҳонии молиявию-иқтисодӣ ба муҳоҷирони меҳнатӣ аз Тоҷикистон, ҳимояи ҳуқуқи онҳо, роҳҳои расонидани иттиллоот ба муҳоҷирони меҳнатӣ оид ба проблемаҳои имконпазир, расонидани кӯмак ба оилаҳои дар ватан мондаи муҳоҷирон, роҳҳои идораи босамари муҳоҷирати меҳнатӣ, истифодаи маблағҳои муҳоҷирон дар рушди корхонаҳои маҳаллӣ – чунинанд мавзӯъҳое, ки дар нишасти матбуотӣ матраҳ мешаванд.