ПЕШБУРДИ ТИҶОРАТ ДАР ТОҶИКИСТОН

                 Душанбе, 22 октябр. (АМИТ «Ховар», Фарангис Рахимова). — Имрӯз дар Вазорати рушди иқтисод ва савдои Ҷумҳурии Тоҷикистон маросими расмии имзои санади нави ёрии фаннӣ ба соҳаи нассоҷӣ ва дӯзандагии Тоҷикистон баргузор гардид.                  Созишномаи мазкурро муовини вазири рушди иқтисод ва савдои ҶТ Лариса Кислякова, мудири бахши сиёсат ва барномаҳои маркази байналмиллалии тиҷорат Фридрих фон Киржбах ва муовини сардори идораи ҳамкории Швейтсария дар Тоҷикистон Николя Гигас имзо карданд.                Лоиҳаи нав, ки ёрии фаннӣ ба соҳаи нассоҷӣ ва дӯзандагии Тоҷикистонро дар назар дорад, аз ҷониби идораи давлатии Швейтсария дар умури иқтисод (СЕКО) маблағгузорӣ мешавад ва онро Маркази байналмилалии тиҷорат дар ҳамкорӣ бо Вазорати рушди иқтисод ва савдои Тоҷикистон ва Вазорати саноат ва энергетикаи Тоҷикистон амалӣ мешавад.                «Ҳадафи умумии ин созишнома дастгирӣ намудани рушди устувор ва гyногyнсозии содироти корхонаҳои Тоҷикистон тавассути боло бурдани рақобатпазирии маҳсулоти саноати нассоҷӣ ва дӯзандагӣ дар кишвар ва беҳтар кардани зерсохтори идораи сифат мебошад», қайд гардид дар маросим.