СӮХТОР ДАР МАҒОЗАҲО

               Мӯъминобод, 16 октябр. (АМИТ «Ховар», Сулаймон Холов).-Дар ноҳияи Мӯъминобод дар давоми 9 моҳи соли ҷорӣ дар 7 мағозаи фурӯши маҳсулоти ниёзи мардум сӯхтор ба амал омад, ки маблағи зарари он беш аз 300 ҳазор сомониро дар бар мегирад,- гуфт сардори хадамоти оташнишонии ноҳия Сафол Раҳимов ва афзуд, ки аз давраи ташкилшавии ноҳия чунин ҳодисаи сӯхтор ба қайд гирифта нашудааст. Ба гуфти Раҳимов сабаби сар задани сӯхтор қасдан бошад ҳам, лекин дар он беназоратии худи соҳибкорон низ дида мешавад , чунки аксари мағозаҳо бе посбон ва бе сигнализция мебошанд. Дар 7 мағозае, ки сӯхтор ба амал омадааст аз тарафи шахсони номаълум содир гардида сохторҳои дахлдори ноҳия доир ба ин масъала чораҳои фаврӣ дида истодаанд.