ТАЛАБАГОН АЗ ВАГОНЧАҲО БА СИНФХОНАҲО МЕГУЗАРАНД
Ноҳияи Бобоҷон Ғафуров, 7 октябр. (АМИТ «Ховар», Санавбар Мақсудова). — Раиси ноҳияи Бобоҷон Ғафуров Лутфулло Муҳиддинов ба мухбири АМИТ «Ховар» хабар дод, ки соли равон аз ҳисоби буҷети ноҳия барои беҳтар сохтани вазъияти муассисаҳои маориф 500 ҳазор сомонӣ ҷудо карда шуда буд. Тибқи нақшаи Ҳукумати ҷумҳурӣ дар бобати аз вагончаҳо ба синфхонаҳои васеу барҳаво гузаронидани талабагон, дар давоми 9 моҳи гузашта дар ноҳия дар мактабҳои № 78 ва 74 панҷ синфхонаи иловагӣ сохта шуд. Айни ҳол дар назди мактаби миёнаи № 48 сохтмони ду синфхона босуръат давом дорад. Л.Муҳиддинов афзуд, ки дар ноҳия барномаи бо компютер таъмин намудани мактабҳо иҷро карда мешавад. Дар давоми 9 моҳи соли равон 84 компютер харида шуд. Ҳоло дар тамоми мактабҳои ноҳия 1110 компютер истифода карда мешавад. Ғайр аз ин ба туфайли кӯмаки роҳбарияти ноҳия ба китобхонаҳои мактабӣ қариб 10 ҳазор нусха китоби дарсӣ дода шуд. Имрӯз дар ноҳияи Бобоҷон Ғафуров 84 мактаби миёнаи таҳсилоти умумӣ фаъолият дорад, ки дар онҳо 54,8 ҳазор талаба таҳсил мекунад.
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
