ТАЪМИРИ ПУРРАИ ҶӮЮ КАНАЛҲОИ НОҲИЯ АНҶОМ НАЁФТ

                 Душанбе, 12 октябр. (АМИТ «Ховар», Лаззат Диловарзод).- Раёсати мелиоратсия ва захираҳои оби ВМКБ дар самти таъмиру истифодабарии иншооти гидромелиоративӣ беш аз 73 ҷӯю каналро дар ноҳяи Ванҷ ба мувозинаи худ гирифтааст, — иброз дошт сардори раёсати мазкур Баҳодур Сулаймонов ба мухбири АМИТ «Ховар». Ҳоло аз ин иншоот 75 фоизаш қисман аз таъмир бароварда шудааст.               Калонтарин каналҳои ноҳия чун канали Хаспо – Баравн, Сурхсангов ва дюкери деҳоти «Язгулом» бо маблағи раёсат таъмир гардиданд. Барои ҷойҳои таъмирталаби канали Хаспо – Баравн 2 тонна семент, 400 литер сӯзишвории дизелӣ ва барои иваз намудани 18 адад қубури обгузари дюкери «Язгулом» низ маблағи муайян ҷудо карда шуд.                 Аз рӯи штати корӣ як нафар мироб дар канали Хаспо – Баравн ба кор қабул гардид.                Дар назар аст, ки соли 2010 сарбанди канали Хаспо – Баравн аз нав таъмир карда мешавад.