«ТОҶИК ЭЙР» ДАР ҲАМКОРӢ БО ШИРКАТИ НАВ

                 Душанбе, 13 октябр. (АМИТ «Ховар», Лаззат Диловарзод).- Аз 2 –юми октябри соли 2009 ширкати «Тоҷик Эйр» ҳамкориро бо ширкати «Ист Эйр», ки роҳбарии онро Эрик Эркинович Абдурахманов ба дӯш дорад қатъ гардонида, минбаъд бо ширкати литвиягӣ дар бораи ба тарзи лизингӣ харидорӣ намудани се ҳавопаймои «Боинг 537 — 500» шартнома ба имзо расонид.                 Яке аз ин се ҳавопаймо, ки аз ҷониби ширкати «Тоҷик Эйр» харидорӣ мегардад, дар ибтидои моҳи октябр ба мадони ҳавоии Душанбе фуруд омад.                  Ба гуфти сардори шӯъбаи тарҷума ва алоқа бо васоити ахбори омма Назира Давлатова ширкати «Тоҷик Эйр» ташкилоти тиҷоратӣ буда, шартномаи нави он бо «Avia Asset Manfgement» аз ҷиҳати молиявӣ нисбатан манфиатовар аст ва ҳамвора хусусигардонии ҳавопаймоҳои нав ба манфиати «Тоҷик Эйр» мебошад.