ТОҶИКИСТОН АЗ СММ ҚАРЗДОР НЕСТ!

                  Ню — Йорк, 22 октябр. (АМИТ «Ховар» — un.org). – 21 октябр дар Ню – Йорк муовини котиби генералии Созмони Милали Муттаҳид оид ба масъалаҳои идоракунӣ Анжела Кейн вобаста ба авзои молиявӣ дар СММ нишасти матбуотӣ баргузор кард. Анжела Кейн дар рафти нишасти матбуотӣ изҳор кард, ки аз 200 кишвари аъзои СММ танҳо 22 мамлакат маблағи аъзоҳақиро пардохт кардаанд.                  Аз миёни собиқ ҷумҳуриҳои Иттиҳоди Шӯравӣ танҳо Ҷумҳурии Тоҷикистон ва Ҷумҳурии Озарбойҷон дар мӯҳлати муайяншуда аъзоҳақиро ба идораи СММ ҷудо карданд. Ҳамчунин давлатҳои Австралия, Канада, Конго, Хорватия, Олмон, Финляндия, Исландия, Италия ва чанди дигар, ки ҳамагӣ 11,4 фоизи СММ — ро ташкил медиҳанд, ба буҷаи Созмон аъзоҳақӣ барои солҳои 2008 – 2009, инчунин маблағҳои барои сулҳофаринӣ, трибуналҳои байналмилалӣ ва барқарорсозии штаб – квартираҳои СММ пешбинишударо пардохт карданд. Сарпарасти асосии СММ Иёлоти Муттаҳидаи Амрико то ҳол маблағҳои худро пардохт накардааст.