ҲАЛОКАТИ ЧАҲОР НАФАР ДАР САДАМА
Кӯлоб, 19 ноябр. (АМИТ “Ховар”, Сулаймон Холов).-Дар ҳодисаи нақлиётии рӯзи 15 уми ноябр дар роҳи Кӯлоб Мӯъминобод чаҳор тан ҳалок гардид. Саидмӯъмин Ҳасанов, сардори Бозрасии давлатии автомобилии шаҳри Кӯлоб мегӯяд, садамаи мазкур ҳангоми дар гардишгоҳи ин роҳ ба самти муқобил, бо суръати тез ҳаракат намудани мошини сабукрави “Опел Вектра” ва бархӯрдани он ба мусофиркаши навъи ҷиноии “Донг Фенг” ё худ “Тангем” ба вуқӯъ пайвастааст. Ба гуфтаи ӯ, дар ҷои садама се тан аз мусофирони сабукрави “Опел Вектра” бо исми Ғафорова Ш., Файзова З. ва Сабзалиев И. ҳалок ва мусофирони “Тангем” ба беморхона бурда шуданд, ки як нафари онҳо чанд рӯз пас дар беморхона ҳалок мегардад.