75% РОҲҲОРО БОЯД ТАЪМИР КУНАНД

                   Душанбе, 10 ноябр. (АМИТ «Ховар», Покиза Маҳмадбекова).- Тибқи маълумоти Кумитаи давлатии омори Ҷумҳурии Тоҷикистон аз аввали соли ҷорӣ беш аз 70 миллион сомонӣ барои таъмири роҳҳо сарф шудааст. Маблағи зиёде барои таъмири роҳи Душанбе — сарҳади Қирғизистон (фазаи- 3) ва сохтмони роҳи Шоҳон-Зиғар сарф гардидааст.                    Аз вазорати нақлиёт ва коммуникатсияи ҷумҳурӣ ба АМИТ «Ховар» хабар доданд, ки дар оянда барои таъмири роҳҳо маблағгузорӣ зиёд мешавад.                     Қайд карда шуд, ки барои сохтани роҳҳо маблағи зиёд лозим аст, ки онҳо ба талаботи стандарти байналхалқӣ ҷавобгӯ бошанд. Ҳамасола барои таъмир ва сохтмони роҳҳо 100 миллион доллари ИМА сарф мешавад, ки ин кофӣ нест.