МУЛОҚОТИ Ҳ. ЗАРИФӢ БО С.А. КРЕМЕР

                 Душанбе, 5 ноябр. (АМИТ «Ховар», Наргис Бояхмедова).- Дирӯз, 4 ноябр дар Вазорати корҳои хориҷии Ҷумҳурии Тоҷикистон вазири корҳои хориҷии ҶТ Ҳамрохон Зарифӣ муовини вазири корҳои хориҷии Полша Анҷей Кремерро ба ҳузур пазируфт.                  Тарафайн муносибатҳои дуҷонибаи Тоҷикистону Полшаро дар самти мустаҳкам гардонидани иқтисод ва савдо, муносибатҳои минтақавӣ, инчунин ҳамкорӣ дар доираи ташкилотҳои байналхалқӣ, аз ҷумла СММ ва САҲА муҳокима намуданд.                   Ҷонибҳо муносибатҳои Тоҷикистонро бо мамлакатҳои Осиёи Марказӣ, масъалаи бехатариро дар Афғонистон ва Покистон, инчунин лоиҳаҳое, ки Тоҷикистон амалӣ месозад ва он барои давлати ҳамсоя- Афғонистон муҳим мебошад, баррасӣ намуданд.                  Дар доираи ҳамкориҳои иқтисодӣ зикр гардид, ки Созишномаи қаблан имзошуда байни Ҳукумати Ҷумҳурии Тоҷикистон ва Ҳукумати Ҷумҳурии Полша дар бораи муносибатҳои иқтисодии ҳар ду давлат имкон медиҳад, ки муносибатҳои иқтисодии ҳар ду кишвар, хусусан гардиши мол беш аз пеш густариш меёбад.