РУШДИ КИШОВАРЗӢ — АМНИЯТИ ОЗУҚАВОРӢ

                  Мӯъминобод, 9 ноябр. (АМИТ «Ховар», Сулаймон Холов).-Кишоварзони ноҳияи Мӯъминобод ҳаҷми маҳсулотҳои кишоварзиро дар ҳамаи бахшҳои хоҷагидорӣ ба миқдори 122 миллиону 733 ҳазору 300 сомонӣ иҷро намуданд, ки нисбат ба ҳамин давраи соли гузашта 105,6% зиёд мебошад, гуфт зимни як нишасти матбуотӣ раиси ноҳия Сафаралӣ Зокиров ӯ афзуд, ки дар ноҳия то ин ҷониб дар майдони 203 гектар картошка, 600 гектар зироатҳои техникӣ, 50 гектар сабзавот, 50 гектар полезӣ ва 1127 гектар зироатҳои хӯроки чорво кишт карда шудааст. Ба гуфтаи ин манбаъ ҷамъоварӣ ва истеҳсоли зироатҳои ғалладонагӣ низ аз нақша зиёд буда, барои гузаронидани зимистони имсола 29155 тонна ғалла, 627 тонна зағир, 10222 тонна картошка, 10190 тонна сабзавот, 2324 тонна полезӣ ва дигар маҳсулотҳои ниёзи мардум захира гардидааст.