ТАЙЁРИИ МАКТАБҲО БА МАВСИМИ ЗИМИСТОН

                   Кӯлоб, 16 ноябр. (АМИТ «Ховар», Сулаймон Холов).-Тайёрӣ ба мавсими зимистонгузаронии муассисаҳои соҳаи маориф яке аз маъракаҳои муҳим маҳсуб меёбад. Эмомалӣ Сайдамиров мудири бахши раёсати маорифи вилояти Хатлон дар минтақаи Кӯлоб гуфт, ки рафти тайёрӣ ба зимистонгузаронӣ дар мактабҳо қаноатбахш буда, ба ҷои 30381 тонна ангишт 3868,3 тонна ва ба ҷои 1080 метри мураббаъ ҳезум 12715 метри мураббаъ захира шудааст, ки барои зимистонгузаронӣ кифоя мебошад. Ба гуфти Сайдамиров баҳри захираи иловагии нерӯи барқ маъракаи насби лампаҳои каммасраф дар мактабҳо идома ёфта, то ин ҷониб табдили лампаҳои тафсон ба каммасраф ба 100 % баробар шудааст. Дар тамоми мактабҳо 1839 адад гармкунакҳои барқӣ , 13 буғхона, 221 генератор мавҷуд буда , 35 мактаб бо барқи тоза таъмин мебошад.