АНҶУМАНИ РУСЗАБОНҲОИ БУРУНМАРЗӢ

                    Маскав, 3 декабр. (АМИТ «Ховар», Ҳалима Хушқадамова). — Дар Маскав анҷумани ҷаҳонии русзабонҳои бурунмарзӣ анҷом ёфт. Дар он намояндагони 90 мамлакати ҷаҳон ширкат варзиданд. Аз Тоҷикистон дар ин анҷуман 9 нафар — Г.Кошлаков, Л.Хоҷаева, В.Юшин, Е.Копченова, Э.Ғафурова, Т.Мелникова, В.Тарасов, З.Гуссаова ва Г.Қурбонова иштирок доштанд.                    Ҳадафи анҷуман муҳокимаи проблемаҳои русзабонони хориҷӣ, аз ҷумла, масъалаи ҳимояи ҳуқуқи онҳо аз ҷониби Русия мебошад.                      Мухбири АМИТ «Ховар» хабар медиҳад, ки Президенти Федератсияи Русия Дмитрий Медведев сухан кард. Вай русзабонҳоеро, ки дар мамлакатҳои дигар зиндагӣ мекунанд, ба бозгашт ба ватани авлодиашон даъват намуд. Президент зикр намуд, ки бо ин мақсад ба онҳо ҳамаҷониба кӯмак расонда мешавад.