ДАР ҚӮРҒОНТЕППА НАРХИ ГАЗ БАЛАНД ШУД

                   Қӯрғонтеппа, 16 декабр. (АМИТ «Ховар», Мурод Сотиев). — Дар маркази вилояти Хатлон — шаҳри Қӯрғонтеппа нархи газ баланд шуд. Директори муассисаи «Қӯрғонтеппагаз» Маҳмудҷон Хоркашев ба АМИТ «Ховар» хабар дод, ки аҳолӣ то имрӯз барои истифодаи як метри мукааб гази табиӣ 49,5 дирам мепардохт. Акнун як метри мукааб газ ба аҳолӣ ба ивази 54 дирам фурӯхта мешавад.                     М.Хоркашев зикр кард, ки ҳар шабонарӯз ба шаҳри Қӯрғонтеппа аз кони гази «Қизилтумшуқ» — и ноҳияи Ҷалолиддини Румӣ аз 33 то 36 ҳазор метри мукааб газ дода мешавад.                     Муассиса ба 42 ҳазор сокини шаҳр хизмат мерасонад. Аҳолии Қӯрғонтеппа то имрӯз аз ҳисоби истифодаи газ 2 миллион сомонӣ қарздор аст, гуфт М.Хоркашев.