АФЗОИШИ СОДИРОТИ МАҲСУЛОТ БА ХОРИҶИ КИШВАР

                Душанбе, 20 январ. (АМИТ «Ховар», Покиза Маҳмадбекова). — «Хаҷми умумии муомилоти чаканаи мол 114,3 миллион сомониро ташкил дод, ки ин нишондиҳанда нисбат ба ҳамин давраи соли 2008–ум 17,5 миллион сомонӣ зиёд аст», — гуфт зимни нишасти матбуотӣ 20 январ, раиси Иттифоқи «Тоҷикматлубот» Сироҷиддин Валиев.                  Ӯ зикр намуд, ки ҳаҷми харид ва захираи маҳсулоти кишоварзӣ 21,6 ҳазор тонна, аз ҷумла 15,6 ҳазор тонна картошкаю сабзавот захира гардид. Аз ҳисоби кишти такрорӣ дар соли 2009 зиёда аз 500 тонна маҳсулот истеҳсол карда шуд, ки ин нишондиҳандаи қаноатманкунанда аст.                     Бояд гуфт, ки дар ин давра аз хориҷи кишвар ба ҷумҳурӣ ба маблағи 74,8 миллион сомонӣ молу маҳсулот ворид гашт, ки ин нисбат ба ҳамин давраи соли 2008 — ум 17,1 миллион сомонӣ зиёд аст. Дар ин давра ба маблағи 4511 тонна, аз ҷумла, сабзавот 2606 тонна, полезӣ 1347 тонна, лӯбиёгӣ 347 тонна ва меваи тару тоза 105 тонна содирот карда шуд.