ОЗМУНИ БАЙНАЛХАЛҚӢ БАРОИ ҲУҚУҚШИНОСОНИ ҶАВОН
Душанбе, 16 январ. (АМИТ «Ховар», Наталя Михайлова). — Пажӯҳишгоҳи байналмилалии муносибатҳои меҳнатӣ ва иҷтимоии Федератсияи иттифоқҳои касабаи Белорусия аз 18 то 22 майи соли 2010 олимпиадаи панҷуми идонаи байналхалқии ҳуқуқшиносони ҷавонро таҳти шиори «Ҷавонон тарафдори сулҳ» баргузор месозад. Ҳадафи асосии олимпиада ҷалби фаъолонаи ҷавонон ба ҳаёти сиёсию фарҳангии ҷомеа ва паҳн намудани донишҳо дар бораи ҳуқуқи байналхалқии гуманитарӣ мебошад. Ба олимпиада донишҷӯён, аспирантҳо, кормандони ҷавони мактабҳои олӣ ва олимони ҷавони ҳамаи мамлакатҳои ҷаҳон, ки то 31 – сола мебошанд, даъват карда мешаванд. Дар олимпиада гурӯҳҳои алоҳидаи мактабҳои олӣ низ ширкат варзида метавонанд. Иштирокчиёни он дар асоси озмун интихоб карда мешаванд. Иштирокчиёни озмунро кумитаи тадорукот интихоб менамояд. Шарти асосии интихоби иштирокчиёни озмун мувофиқати маводи пешниҳоднамудаи онҳо ба талаботи олимпиада аст. Аризаҳо барои иштирок дар озмун то 2 феврали соли 2010 қабул карда мешаванд. Қабл аз ин олимпиадаи мазкур 4 маротиба гузаронида шуда буд ва дар онҳо баробари мамлакатҳои дигар намояндагони Тоҷикистон низ иштирок доштанд.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
