СӮХТОРИ «САФИНА» — РО ПИНҲОН КАРДАНД

Душанбе, 29 январ. (АМИТ «Ховар», Жасмин Назарова). – Тавре ба мухбири АМИТ «Ховар» яке аз корманди масъули ХДО – и ноҳияи Рӯдакӣ иттилоъ дод, 20 январи соли равон дар маркази тиҷоратии «Сафина» дар дӯкони заргарӣ, ки ба Ҳошим Маҳмадиев тааллуқ дорад, сӯхтор ба амал омад. Тавре шоҳиди ҳодиса нақл кард, алангаи оташ дар масоҳати 18 метри мураббаъ болопӯш ва як қисми молу амволи дӯконро сӯхта нобуд гардонид. Ҳамчунин, се корманди дӯкон Абдуқаҳор Нуров, Ҷобир Одинаев ва Саидҷаъфар Мадиев ҷароҳат бардошта аз 20 то 30 фоиз бадани онҳо сӯхтааст. Инчунин ӯ қайд кард, ки шахсони мутасаддӣ кӯшиш доранд ин ҳодисаи нохушро рӯпӯш кунанд.  Сабаб, зарар ва гунаҳкори сӯхтор маълум нест.