САҲМИ ТОҶИКОНИ НОВОСИБИРСК ДАР СОХТМОНИ НБО «РОҒУН»

                 Душанбе, 28 январ. (АМИТ «Ховар», Наргис Бояхмедова). — Тоҷиконе, ки дар минтақаҳои гуногуни Федератсияи Русия кор мекунанд, маъракаи умумимиллии фурӯши саҳмияҳои Ҷамъияти саҳҳомии НБО «Роғун» — ро ҳамаҷониба дастгирӣ менамоянд. Тавре хабар дода шуда буд, маъракаи фурӯши саҳмияҳои ин нерӯгоҳ дар мамлакат 6 январ оғоз ёфт.                   Мухбири АМИТ «Ховар» хабар медиҳад, ки Маркази ҳифзи ҳуқуқи шаҳрвандони Тоҷикистон дар шаҳри Новосибирск даъвати Президенти ҷумҳурӣ Эмомалӣ Раҳмонро дар бораи идома додани сохтмони НБО «Роғун» дастгирӣ намуда, қарор дод, ки ба маблағи 1 миллион рубли Русия саҳмияҳои онро харад.                 Дар ин бора ба АМИТ «Ховар» аз дафтари матбуоти ВКХ Тоҷикистон хабар доданд.