ВАЗИРИ СОБИҚИ АФҒОНИСТОН ҲАМОҲАНГСОЗИ ГУЗАРОНИДАНИ КОНФРОНС ТАЪИН ШУД

                  Кобул, 20 январ. (АМИТ «Ховар» — афғонистон.ру). — Президенти Афғонистон Ҳамид Карзай бо фармони худ вазири собиқи корҳои хориҷии мамлакат Рангин Додфар Спантаро ҳамоҳангсози асосии гузаронидани конфронси байналхалқи таъин намуд, ки 28 январ дар Лондон баргузор мегардад.                  Тавре хабар дода шуда буд, конфронси мазкур бо ташаббуси сарвазири Британияи Кабир Гордон Браун, президенти Фаронса Николя Саркози ва канслери Олмон Анҷела Меркел гузаронида мешавад.                    Ҳ.Карзай гузаронидани конфронси мазкурро барои ҳалли проблемаҳои пешрафти иқтисодиёт, таъмини амният ва ҳаёти осоиштаи мардум тадбири муҳим номид.                    Муншии умумии СММ Пан Ги Мун хабар дод, ки баъди конфронси Лондон дар Кобул бахшида ба масъалаҳои таъмини амният ва расондани кӯмакҳои иқтисодӣ ба Афғонистон боз як конфронси дигар баргузор хоҳад гашт.