675 ҲАЗОР НАФАР ИХТИЁРӢ ШАРТНОМА БАСТАНД

Душанбе, 4 феврал. (АМИТ «Ховар», Лаззат Диловарзод).- Дар соли 2009 ба Ширкати давлатии суғуртаи Тоҷикистон – «Тоҷиксуғурта» 675 ҳазор нафар шаҳрвандони шаҳру навоҳии ҷумҳурӣ ихтиёрӣ суғурта бастанд, ки ин нисбат ба соли 2008 беш аз 100 ҳазор нафар зиёд мебошад. Умуман дар соли 2009 ба ширкати мазкур 985 ҳазор  нафар мизоҷон  шартномаи суғурта бастанд, ки  ин дар давоми 18 соли давлати нави соҳибихтиёр баландтарин нишондиҳандаи суғурташудагон мебошад. Дар соли 2009 ва як моҳи соли 2010 «Тоҷиксуғурта» ба маблағи    5 млн. сомонӣ ба зарардидагони офатҳои табиӣ ба таври хайрия кӯмак расонида, ба буҷаи давлат беш аз 5 млн.сомонӣ ворид кардааст. «Тоҷиксуғурта» ҳамчунин ба миқдори 2 млн. 200 ҳазор сомонӣ саҳмияҳои НБО –и «Роғун» — ро харидорӣ намудааст.