АЗ ТАРИФИ НАВИ БАРҚ РОЗИАНД

Душанбе, 22 феврал. (АМИТ «Ховар», Лаззат Диловарзод).- Сокинони ВМКБ    2 моҳ боз аз рӯи тарифи нави барқ маблағи онро пардохт мекунанд. Боиси зикр аст, ки  аҳолии  ВМКБ аз 1 – уми январи соли ҷорӣ дар ин вилоят кимати 1 кВт соат нерӯи барқро  бо нархи 2, 75 сенти амрикоӣ, ки баробари 12,1 дирам    мебошад, харидорӣ  мекунанд. Тибқи маълумоти ба даст омада,  1 кВт соат нерӯи барқ ба  идораҳои буҷавӣ ва муассисаҳои савдо бон архи 5, 16 сенти амрикоӣ, ки баробари 22,5 дирам мебошад, фурӯхта мешавад. Ба гуфти кормандони ширкати «Помир энержӣ», соли ҷорӣ қимати барқ дар Бадахшон нисбат ба соли 2009 13,4 фоиз боло рафт. Айни замон ширкати «Помир энержӣ» аҳолии вилоятро 24 соат бо барқ таъмин менамояд, мардум аз тарифи нави барқ розианд. Чамъоварии маблағ аз истифодаи барқ 92 фоиз иҷро шудааст, ки ин дар ҷумҳурӣ нишондиҳандаи беҳтарин аст.